Bloga Beyar

Blognivîsî, tiştek di gelek tiştên ku min gavek avêt û nekirî. Sal nizanim çend lê bawerim ku 2010 û tiştek we bû. Hevalek hebû blognivîsî dikir û nivîsên xweş dinivîsî her kes ne lê hinek kes dikarin binivîsin, ew jêhatî ji wan re ji aliyê Xwedê -yên ateîst hwd ji aliyê kosmosê- hatiye dayîn. Bixwe her kesek ji demên baliqiya xwe divê binivîse û dinivîse jî lê çawabûna wan nivîsa niqaşeke cûda ye niha gerek e em nekevin l'ser vê. Belê ez jî yek ji wan bûm. Gava min bi saya wê hevalê blognivîsî nas kir, ew daxwaz û çalaka nivîsvaniya min guherî tiştek din û gor min (min'a ew demî) gereke biguhuriya. Rabûm min blogek vekir û şikl û cismek dayê, timam bû û nivîsa xwe ya ewilîn weşand. Çi kêfa min hati bû, weh. Zimanê tirkî dinivîsî wan deman lê helwestek min jî hebû li ser zimanê xwe, pêşiyê xwe elimand tipên Kurdî dû de rêziman filan û bêvan lê ne ew qas xort bû ew helwest, car cara bendên Kurdî dinivîsî lê pêşveçûnek girîng nexist destê xwe bi ziman ve.

Belê ez ku nekirkerê tiştên dixwazim bikim vê carê jî min şaş nekir, dest ji blognivîsiyê berda. Nêzî heşt salin ku min ev bloga beyar vekir. Nizanim hişê min dêm e an jî stewr e. Hew sêhra bikim, ez îdia dikim ku dişêm bibim serokê bêxîreta. Ma çi bikim ne dixwînim ne dinivîsim ne dixwim ne vedixim, mihtacê alikarekê me. Ez çi tiştekî bêlome me! Xwedê min aqil ket!

Ev e çend rojin rastî blogerên kurd têm, ya rastî berê jî min dizanî hinek j'wan carcaran jî dixwand, lê nizam boy çi, evane dilêm bir nivîsandinê anî dibe ku wek xwarna tiştek dilê miro diçê û dixwe têr dibe jî be, zû berdim ji van deran û koç bikim herim. Tiştên ez dikim gelkî beredayî ne, xwedê min pêle!

Dest nivîsandinê bikim, niha? Lê çi? Hima çi hat pêşya min ezê binivîsim. Lê daxwazek min heye; yê dizanin jixwe dizanin lê yên nizanin ez diransaziyê* dixwînim û dikarim bêjim ez diransaz im li derdorê vê dikim nivîsên li ser diransaziyê jî binivîsim. Gelo hûn çi difikrin?

*diransazî çi peyveke tewşomewşo ye! Herwiha: Bijîşkê Dirana,